" قول كلمتك "

إهداء ..
لكل من ظل كما هو .. ولم يتغير بعدما جرفته أمواج الحياة ..

،، قول كلمتك ،،
- - - - - - - - - -

لاموك يا قلبي ياما ولاموني ..
قالولك عيش حياتك .. وقالولي حبايبي باعوني ..
هترد عليهم ولا تسيبهم .. يظلموك ويظلموني ..

عارفك .. دايمًا على الجراح صابر ..
عارفك .. الكل بينسى وانت اللي فاكر ..

لكن لحد امتى السكوت ..
لحد أنا و انت ما نموت ؟ ..
لا يا قلبي .. اتكلم ..
اتكلم بأعلى صوت ..

- - - - - - - - - -

قول إن انت غيرهم ..
وإن زمانهم مش زمانك ..
عرفهم .. فهمهم ..
إن الحب ساكن كيانك ..

إنك هتفضل طيب حتى .. لو هم مش طيبين ..
إنك هتفضل مخلص ولو كل الناس خاينين ..

- - - - - - - - - -

وبعد ما تقول كلمتك ..
كمل طريقك وسكتك ..

اوعى في لحظة ضعف تبقى زيهم ..
طبعك .. صعب يفهموه .. بطبعهم ..

سيبهم .. يعيشوا الحياة بطريقتهم ..
آخرتك سعادة ..
ويا عالِم بآخرتهم ..

،

آخرتك سعادة ..
ويا عالم بآخرتهم ..

- - - - - - - - - -





أتمنى تعجبكم